O dref hynod Treffynnon lle gallwch feicio o amgylch y siopau a chael paned; i olygfeydd godidog ar draws yr Afon Dyfrdwy yn Nociau Maes Glas…mae digon i’ch cadw’n brysur yn yr ardal!
ar hyd yr arfordir
Llwybr Arfordir Cymru
Rydym yn ddigon ffodus i fod fwy neu lai ar draws y ffordd i Lwybr Arfordir Cymru. Rydym yn falch iawn mai ni yw'r wlad gyntaf yn y byd i gael llwybr troed sy'n ymestyn hyd yr arfordir cyfan (pob un o'r 870 milltir ohono!). Cymerwch eich amser a gweld y rhyfeddodau sydd gan yr arfordir i'w cynnig, o fywyd gwyllt lleol a golygfeydd anhygoel i gerfluniau a chuddfannau dirgel.
i lawr ger yr afon
Doc Maesglas
Wedi'i adeiladu'n wreiddiol i fasnachu'r nwyddau copr a wnaed yn Nyffryn Maes Glas gyda Lerpwl ac Affrica, mae'r dociau bellach yn dawel ac yn harbwr prydferth ar Afon Dyfrdwy. Wedi'i adfer yn 2010 a'i ddefnyddio o hyd gan bysgotwyr lleol, gellir defnyddio'r doc i archwilio gweddill Llwybr Arfordir Cymru.
crwydro o amgylch y dref
Canol Tref Treffynnon
Defnyddiwyd Treffynnon am ganrifoedd fel arhosfan wrth fynd i Gaergybi, ac heddiw mae ganddi lawer i'w gynnig, gydag amrywiaeth o siopau sy'n gwerthu nwyddau lleol, archfarchnadoedd, llyfrgell a chanolfan hamdden, yn ogystal â diwrnodau digwyddiadau arbennig. Beth am roi cynnig ar lwybr treftadaeth y dref i'ch helpu i archwilio'r dref a'r ardaloedd cyfagos. Gan ddechrau yn y stryd fawr, mae'r llwybr yn eich arwain drwy Ddyffryn Maes Glas, yna'n ymuno â'r llwybr pererindod hynafol i Ffynnon Gwenffrewi ac Abaty Dinas Basing gan fwynhau'r bywyd gwyllt cyfoethog a golygfeydd hyfryd ar hyd y ffordd.
Dyluniwyd ac Adeialdwyd y Wefan gan Daydream Designs